Ordutegi aldaketak Arrasateko udal zerbitzuetan, abuzturako

Opor garaian Udaleko zerbitzuek, martxan jarraitu arren, ordutegi aldaketak izango dituzte. Biztanleen Arreta Zerbitzua astelehenetik egubakoitzera egongo da zabalik abuztu osoan, 08:30etik 14:00etara. Arratsaldetan eta zapatutan itxita egongo da. Irailean, berriz, ohiko ordutegira itzuliko da Arano eta Garcia maisu-maistrak kalean kokatuta dagoen zerbitzua. Hau da, astelehenetik egubakoitzera, 08:30etik 19:00etara; zapatutan, 09:00etatik 13:00etara.

Kulturatek, ordea, honako ordutegia izango du abuztuan: astelehenetik egubakoitzera 09:30etik 14:30era. Arratsaldetan eta zapatutan itxita egongo da. Datorren astean, ekainaren 27tik irailaren 16ra arte ezarritako ordutegiarekin funtzionatuko du. Hau da, 10:00etatik 13:00etara eta 16:00etatik 20:00etara.

Aukean oporrik ez

Aukeak kudeatzen dituen zerbitzuei dagokienez, Musakolako igerilekuen ordutegia honakoa izango da, printzipioz, irailaren 8ra arte: kanpoko igerilekuak 10:00etatik 20:30era egongo dira zabalik eta kiroldegiko gainerako instalazioak, berriz, 07:00etatik 22:00etara.

Udaltzaingo zerbitzua zabalik dago urteko egun guztietan, eguneko 24 orduetan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.