Eusko Jaurlaritzak eta Gipuzkoako Foru Aldundiak sinatu duten akordio hitzarmenaren arabera, Malen Ruiz de Azua pertika-jauzilari arrasatearrak balorazio zerbitzuak izango ditu aurrerantzean, talentu maila duelako. Izan ere, bi erakunde horiek zerbitzua eskainiko dute Gipuzkoako talentuko kirolariek elite mailarako bidea egin dezaten.
Akordioaren arabera, Gipuzkoako 12 kirolari promesek gozatuko dute zerbitzuaz eta tartean dago, esan moduan, Arrasatekoa. Eusko Jaurlaritzak Faduran duen Teknika Hobekuntzarako Zentroan jasoko dute kirolariek zerbitzu hori, hain zuzen ere.
Talentu maila duten kirolariak Gipuzkoako lurraldeko kirolari promesen artetik aukeratzen dira. Maila gorenera iritsi daitezen beharrezkoak diren kirol maila, konpromisoa, inplikazioa, ardura, lehiakortasuna eta esfortzua moduko dohainak baloratzen dituzte aukeraketa egiteko.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
