Debagoieneko Stop Kaleratzeak plataformaren salaketa gaur, Arrasateko osoko bilkuran

Uztaileko ohiko osoko bilkura egingo da gaur Arrasateko udaletxeko osoko bilkuren aretoan (18:00). Zerrendako gai garrantzitsuei dagokienez, Debagoieneko Stop Kaleratzeak plataformak HMEIa indizearen ordezkatzearen gaineko mozioa aurkeztuko du. Jose Luis Merinok aurreratu duenez, bertan egongo da Gipuzkoako plataformako kide den Jose Mari Erauskin zuzenbidean lizentziatua: "Gaur bertan argitaratu da HMEI indizea ordezkatzeko ministerio-agindua, erabateko  adar-jotzea da. PAH-ko [Hipotekagatik kaltetuak direnen aldeko taldea] zerbitzu juridikoak aztertzen ari dira azken agindu hori, eta plataforma guztiek euren ekintzak erradikalizatzeko ahotsak entzuten dira”, adierazi du Merinok. Gaurko osokoan neurri berria "modu berezian" salatuko dutela diote.

• Jose Mari Erauskin: "Kriminala da legez kanpoko jo dituzten klausulak aplikatzen dituzten bankuen jokaera"