Mondragon Unibertsitateak, Alecop-ek eta Mondragon Korporazioak sortutako elkartea da Mondragon Educacion Internacional. Berak kudeatuko du Saudi Arabiako hegoaldean irekiko duten zentroa, hango gobernuak nahi duen kudeaketa publiko-pribatua ziurtatuz. Irailaren 1erako martxan nahi du zentroa Saudi Arabiako gobernuak; beraz, buru-belarri dabiltza orain Mondragon Educacion Internacionaleko arduradunak.
Arduradunek esan digutenez, hasiera baten lantalde txiki bat joango da hara, zortzi eta hamar lagun artekoa, zentroaren zuzendaritza eta ardura lanak egiteko, eta geroago langile gehiago ailegatzen joango dira.
Saudi Arabiako gobernuaren helburua da hemendik bost urtera 1.500 ikasle eta 100 langile izatea zentro berri horrek. Bertako lantaldea herrialde askotako jendeak osatuko du.
Irakaskuntza zentroa Arabia Saudiko hegoaldean dago, Yemenekiko mugatik 200 kilometrora.