Haur sahararrei ongi etorria egin die Arrasateko Udalak

Arrasateko Udalak, Oporrak Bakean programaren baitan etorri diren bi haur sahararren ongi etorria egin zien atzo udaletxean. Udaleko Ongizate Sailak aditzera eman duenez, Oporrak Bakean proiektua haur sahararrekiko "elkartasun ikurra" da, "bakearen aldeko eta bidegabekeriaren eta gerraren aurkako aldarria". Proiektu horren bidez uztaila eta abuztuan gure artean igarotzeko aukera ematen zaie 7 eta 12 urte bitarteko haurrei.

Hala, udan Saharan egiten duen 50 gradutik gorako tenperaturetatik babesten zaie, gainera oinarrizko osasun azterketak eginez ohikoak diren gaixotasunei aurre egiten die –belarrietako eta begietako gaixotasunak batez ere– eta bi hilabeteetan ongi elikatuz, elikadura eskasiak sorturiko gaixotasunei aurre egiten diete. Aurten Naziha Mohamed Rais –2002an jaioa– eta Larusi Abdi Brahim –2001ean jaioa– etorri dira; Udalak oparitxo bat egin zien atzo.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.