Uztaileko baserritarren azoka egingo da bihar Seber Altube plazan, 09:00etatik 14:00etara. Udaleko Enplegu eta Garapen zerbitzuko Marga Garmendiak aurreratu duenez, udako produktuak erosi ahalko dira bihar: "Udaberria hotza izan da eta udako produktuak ohi baino beranduago jaso dituzte gure baserritarrek".
Sasoiko eta tokiko produktuez gain, azken azoketan "harrera ona" izan duen landare mintegi ekologikoa ere egongo da bihar: "Baserritar gazte batek norberaren ortua antolatu ahal izateko landare ezberdinak saltzen ditu; oraingoan udazkenera begirako landareak jarriko ditu salgai", dio Garmendiak.
"Ohiko" postuak
14 postu egingo dira, "ohikoak". Arrasateko bost baserri, bailarako beste lau eta beste eskualde batzuetatik beste bost etorriko dira: "Kale egingo dutenak beste eskualdeetatik etorri ohi direnak izango dira. Jaiak dira herri askotan eta azoka bereziak egiten dituzte". Abuztuan ez da azokarik egingo.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak