Santa Marinan 100 lagunendako paella gertatuko dute gaur

Paella janarekin eta jolasekin ospatu dituzte Santa Marina auzoko jaiak. Atzo 30 lagunendako paella jana izan zuten, eta, gaur, domeka, nagusien bazkarian 100 lagunendako paella gertatu beharko du Agustin Sarres hernaniarrak. Musika, jolasak eta umeendako igerilekuak ere izan dituzte jaietan.

 

Egubakoitzean hasi zituzten jaiak Santa Marinan. Iluntzean musikak girotu zituen kaleak: drag queen talde batek hartu zituen kaleak, baina euriagatik ez zuten behar bezala gozatu ikuskizunaz.

Atzo, zapatua, musika, haurrendako jolasak eta igerilekuak izan zituzten. Makatzena pilotalekuan, aldiz, Agustin Sarres hernaniarrak 30 lagunendako paella gertatu zuen. 4 kilo arroz eta 7 kilo haragi erabili zituen horretarako. Horrez, gain Amador Martin e hijos markako produktu iberikoak dastatzeko eta erosteko aukera egon zen pilotalekuan.

Gaur, nagusien txanda izango da. 100 lagunendako paella gertatuko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.