Maialen Axpek ez du aurrera egin Europako Txapelketan

Tamperen (Finlandia) jokatzen dabiltzan 23 urtez azpiko Europako Txapelketan parte hartu du Maialen Axpe arrasatearrak. Martitzenean joan ziren Finlandiara eta atzo izan zen bedoñarraren aukera: 3,70eko jauzia egin zuen. Ez zen nahiko izan txapelketan aurrera egiteko. Bestalde, Malen Ruiz de Azua eguenean joango da Italiara junior mailako Europako txapelketan parte hartzera.

Maialen Axpek 3,70eko jauzia egin zuen 23 urtez azpikoen Europako Txapelketan. Emaitza horrekin 24. postuan sailkatu zen bedoñarra; baina, ez zen nahikoa izan. Lehenengo 12ak sailkatu ziren hurrengo faserako.

Pista estalian 4,01eko metroko jauzia egin du aurten Axpek; aire libreak, aldiz, 3,95ekoa.

Hil amaieran Espainiako Txapelketa absolutuan parte hartuko du Axpek.

Malen Ruiz de Azua, Italiara

Malen Ruiz de Azua arrasatearra Italiara joango da datorren eguenean junior mailako Europako txapelketa jokatzera. Joan zen astean Espainiako pertika txapelketa irabazi zuen Ruiz de Azuak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.