Kubatar gazteek txikitatik jasotzen dituzte beraien herriko musika tradizioa. Horren isla Nabori taldea da. 1993ean sortutakoa. Zortzi musikarik osatzen dute taldea -zuzendaria, hiru abeslari, koroa eta lau instrumentu jotzaile-.Hasierako urteetan, Kubako hainbat toki esanguratsuenetan eta unibertsitatean hasi ziren kontziertuak jotzen.Arrakasta izanda, Europara salto egitea pentsatu zuten. Ondorioz, egun, Europako bira egin dute. Son musika jo ahal izateko, instrumentu ezberdinak erabiltzen dituzte: tronpeta, babybassa, kongak, gitarra eta bongoa. Instrumentu klasikoak, alegia.
Eszena gaineko ikuskizuna
Taldeak Compay segundo, el Trio Matamoros, Los compadres... bezalako abestiekin girotuko dute emanaldia. Baina eszena gaineko ikuskizun txiki eta ederra egingo dute. Ikusleak ez dira aulkian jazarrita egongo, eta kontzertuan parte hartzeko gonbita izango dute.
Arrasateko Udazabal kultura programazioko hitzordua dugu Nabori taldearen kontzertua. Antolatzaileen arabera, Kubako musika estiloak jarraitzaile asko ditu eta Arrasaten kubatar dezente bizi direnez, arrakasta izango duen emanaldia izango da.