Euskal garagardo berri bat sortu guran dabiltza Arrasateko hiru lagun. Horretarako datozen egunotan Euskal Herriko hamaika tabernek jasoko dute euren bisita. Zertarako? Euskal tabernarien iritzia eta gustuak batu gura dituztelako euskaldunek gustuko duten garagardoa zein den jakiteko. Helburua, "euskal nortasun garbia" duen garagardoa sortzea da: "Jendeari galdetzen badiozu zein den euskal garagardoa ez dizu erantzun argirik emango. Hutsune hori bete gura dugu", diote. Izena ezkutuan mantendu gura duten arren, jakinarazi digute zein izango den logoaren irudia: Arrasateko dragoia. "Irudia Arrasateri keinu bat da", azaldu dute. Garagardo berria udazken hasierarako gertu izatea espero dute.
Proiektu berri honen sortzaileek euskal geografiako hainbat herri eta hiriburu bisitatuko dituzte euskal tabernarien gehiengoaren iritziak batzeko. Izan ere, ekoiztera doazen garagardo berriaren ezaugarriak inkesta bidez ateratako ondorioek definituko dituzte.
Euskal etxeek hartu dute parte dagoeneko
Bestalde, aipatzekoa da dagoeneko munduko hainbat euskal etxetan egin direla inkestak. Lehenengo garagardo prototipoari ekin zaio. Sortzaileek aurreratu dutenez inkestek hainbat zehaztasun izango ditu; garagardoaren osagaiak mingostasuna, kolorea eta gas kantitatea: "Tabernariek ondo baino hobeto ezagutzen dituzte euren bezeroen nahi eta gustuak, eta zein egokiago eurak baino guztiondako izango den garagardoa sortzeko".
Garagardo berria udazken hasierarako gertu izatea espero dute eta izena oraindik publiko egin gura ez arren, logoaren irudia erakutsi digute dagoeneko. "Arrasateri keinu bat" egiteko, dragoia aukeratu dute irudi.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
