Espainiako legebiltzarreko beste ordezkari batzuk ere izan ziren Posadarekin batera: bigarren presidenteordea, Javier Barrero; lehen idazkaria, Ignacio Gil; Alderdi Popularreko bozeramailea, Alfonso Alonso; PSOEko bozeramailea, Soraya Rodriguez; CiUko bozeramailea, Josep Antoni Duran i Lleida; eta beste bost arduradun. Txinan Espainiak duen enbaxadorea, Manuel Valencia, eta enbaxadako beste ordezkari batzuk ere bertan izan ziren.
Txinako agintari batzuk ere bisita horretan izan ziren: Suzhouko alkatea, Kunshango alkatea eta Quiandeng-en Alderdiak duen idazkaria.
Fagor Arrasateko Txinako gerenteak, Jon Agirrek hartu zituen arduradun guztiak.
Aurten, 50 milioi euroko salmentak
Fagor Arrasatek 50 milioiko salmentak egitea espero du aurten. 170 langile ditu dagoeneko eta Txinako merkatuan erreferentea da prentsen eta estanpazio-sistemen eta ebaketa-lerroen arloetan. Ohiko bezeroen artean, hauek ditu: Volkswagen China, Shanghai General Motors, Great Wall, Baosteel, Tisco, Grupo Gestamp, FAW Group, Foton eta beste batzuk.