Hasi da Mondrally izeneko bigarren topaketa, eguraldi ezin hobearekin. Arrasateko plazan batzartu dira hango eta hemengo motorzaleak, Herensugeak motorzale taldeak gonbidatuta, eta han daude ikusgai mota eta antzinatasun askotako motor klasikoak. 30 lagunek baino gehiagok eman dute izena: Donostialdekoak, Andoaingoak, Gasteizkoak, Lizarrakoak eta Debagoienekoak, batik bat.
Eguraldi ona dagoela eta, pozik daude antolatzaileak. Bergara, Angiozar, Elgeta eta Kanpanzar zeharkatu eta gero, Udalan bazkalduko dute, eta sari bereziak emango dituzte: motor politenari, motor zaharrenari eta urrutienetik etorri denari.
Herensugeak taldeko Urtzi Madinabeitiaren esanetan, "ez da ezer berezirik behar errepidean denok batera joateko: suabe-suabe joan eta elkar errespetatu besterik ez".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.