76 ikaslek diploma jaso zuten atzo

Atzo, uztailak 3, Mondragon Goi Eskola Politeknikoak 76 diploma eman zizkien Goi Mailako Heziketa Zikloetako ikasleei. 2011-2012 ikasturtean elektronika, informatika, mekanika eta mantentze espezialitateetan ikasketak amaitu dituzten ikasleen ahalegina eta meritua aitortu zituen modu horretan. Ikasle horietatik lau emakumezkoak dira eta 72 gizonezkoak.

Ekitaldia Mondragon Unibertsitateko Goi Eskola Politeknikoan izan zen, 7. eraikinean. Gorka Aretxagak, Institutu Politeknikoko koordinatzaileak, aurkeztu zuen ekitaldia eta, jarraian, Jesus Lizarraga eta Natividad Herrastik informazio eta komunikazio teknologiei buruzko ponentzia bana eman zuten. Diplomak banatu ondoren, Vicente Atxak, Mondragon Goi Eskola Politeknikoko koordinatzaileak, ekitaldia itxi zuen. Azkenik, ETIC (Embedded Technologies Innovation Center) enpresara egin zuten bisita gidatuan egungo eta etorkizuneko tresna informatikoak ikusteko aukera izan zuten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.