Pagoagak aurten filmatuko duen bigarren filma izango da, maiatzean 'Loreak errepidean' errodatu zuen-eta Jon Garaño eta Jose Mari Goenaga zuzendarien aginduetara. '80 egunean' filmarekin (2009) debuta egin zuenetik, honakoa parte hartuko duen bosgarren filma izango da.
Mariasun Pagoaga aktore arrasatearra pelikula berri batean ari da lanean buru-belarri: 'Tres mentiras'. Azken urteotan hain entzutetsua egin den ume lapurtuen gaia izango du ardatz pelikulak eta arrasatearrak Josefa emakumearen papera egingo du; senar bortitzaren jipoietatik aldendu guran moja batzuengana joko du eta han haur jaio berria lapurtuko diote. Filmeko protagonista nagusiak izango dira Mikel Losada –'Kutsidazu bidea, Isabel' filmeko Juan Mari– eta Nora Navas –'Pá negre' pelikulari esker 2010eko Zilarrezko Maskorra jaso zuen Donostiako Zinemaldian–. Asteon hasiko dute filmatzea, Bilbon. Arrasateko Doke antzerki taldeko kidea da Pagoaga; euren blogaren bidez jaso dugu albistea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak