Txalaparta festa ospatzen ari dira gaur Arrasaten Ttakun Taldeak antolatuta, eta goizean ekin diote egun osoko programari. Txalaparta saio librea egon da herritarrek txalaparta jotzera animatzeko eta hainbatek ez du aukera galdu. Eguerdian baina, irrintzien ordua heldu da eta irrintzilariek Gorka Zubizarretak eta Iñaki Telleriak makilak astindu bitartean Herriko Plaza girotu dute saio motz baina bizian. Arratsaldean, txalaparta bizkarrean hartu eta tabernaz taberna joango dira instrumentuaren doinua Arrasate osoan zabaltzeko asmoz.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.