Arrasate Musikalek ikasturte amaierako emanaldia eskaini zuen atzo, barikua, Amaia antzokian. Musika, balleta eta dantza uztartu zituen saioak eta 300-400 pertsona inguruk jarraitu zuten. San Juan jaietako emanaldi honekin, Arrasate Musikal bere 40.urteurreneko musika zikloaren azken txanpan sartu da.
Tailer musikaleko txikiek, 4-6 urte bitarteko 40 bat umek, hiru dantza egin zituzten; bi talde mistok (gitarra elektriko, tronpeta, klarinete, biolentxelo, saxo, piano, flauta…) bina obra interpretatu zituzten; eta 40 bat neska-mutikok ballet erakustaldia egin zuten, adinka taldetan banatuta, Jana Fuenteren gidaritzapean. Orotara, ordubete inguru iraun zuen emanaldiak, eta 300-400 lagunek jarraitu zuten.
Arrasate Musikalek bere 40. urteurrenaren harira antolatu duen musika zikloko 24. ekintza izan da; beste bi geratzen dira zikloa ixteko.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
