Artisauen topagune bihurtu da Arrasateko Seber Altube plaza

Debagoieneko artisauak batzen dituen Eskuartean elkarteak azoka egin du gaur Arrasateko Seber Altube plazan. Goiza lasai hasi bada ere, eguerdi parterako jendea batzen hasi da plazan jarritako zortzi postu inguruan. Umeendako tailerrek ere harrera ona izan dute; besteak beste, oihalarekin jolasten eta banburekin eskumuturrekoak egiten ikasi dute horietan.

Eskuz egindako askotariko bitxiak eta osagarriak ikusi eta erosteko aukera egon da azokan. Horrez gain, henna erabilita, larrua margotzeko postua egon da. Aretxabaletan sortutako Bertikal jokoa ere ezagutarazi dute.

Esan bezala, Eskuartean elkarteak antolatu du esandako azoka, Udalaren laguntzarekin. Arrasateko artisauen kolektiboa herriko zein Debagoieneko artisauez osatuta dago. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.