Arrasateko sozialistek alkatearen dimisioa eskatu dute: "Arrasate gobernurik gabeko udalerria da, ordezkatzen duen kargurako duina ez den alkate bat duena. Gizakiaren alderik txarrena ari gara ezagutzen", adierazi du Paco Gartzia idazkari sozialistak prentsa ohar bidez. Horretaz gain, ekitaldi ofizialetan ez dute parte hartuko zinegotzi sozialistek.
Jaietako zinegotziaren dimisioa ere eskatu dute. Horrez gain, jakinarazi dute "terroristei gorazarre" egiten zaien jaietako ekitaldi ofizialetan ez dutela parte hartuko. Hilaren 24rako presoen eskubideen alde antolatutako kalejira egitarauan egotea "onartezina" dela uste du PSE-EEk eta euren "erantzun bakarra" Udalak antolatutako ekitaldietara ez joatea dela esan dute.
Gartziaren arabera, euskal presoen aldeko kalejira "terrorismoak existitzen duenaren oroigarri" bat da eta "Bilduren probokazio" horrekin euren balioak defendatuko dituztela dio: "Fanatismoaren eta intolerantziaren aurrean, terrorismoaren biktimak defendatu eta errespetatu behar ditugu".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak