Arrasateko Aldai kaleko gas-ihesa, konponduta

Ubane Madera 2013ko eka. 18a, 17:24

14:30ak aldera, Arrasateko Aldai kaleko 7 eta 8 zenbakietako bizilagunak etxetik atera dituzte, gas isurketa baten ondorioz. Lekukoen arabera, inguruko berdeguneetan lanean zebilen langile batek burbuilak ikusi eta abisua pasatu du. Suhiltzaileak etorri dira ondoren, eta badaezpada, esandako bi atariak (12 etxebizitza) hustu egin dituzte. Kalea ere itxi egin dute, "segurtasunarengatik", eta suhiltzaileak bertan egon dira, arriskua pasa arte. Dagoeneko egoera normaltasunera bueltatu da. Hala ere, oraindik kalean gas usaina dago.

Aldai kalean dauden Repsolen biltegietako batean gertatu da gas isurketa. Gipuzkoako Suhiltzaileen zerbitzutik jakinarazitakoaren arabera, baina, "ez dago arriskurik, biltegiak bertan dauden etxeetatik aparte" daudelako. Hori horrela, 14:30ean kaleratu dituzten 12 etxebizitzetako bizilagunak etxean bueltan dira. Eta orain dela gutxira arte itxita izan den kalea ere zabaldu dute dagoeneko.

Suhiltzaileen arabera, Repsoleko teknikaria bertan egon da, eta arriskurik ez dagoela ikuskatu du. Zehazki, egingo dutena da ihesa izan duen biltegiko propanoa inguruko etxebizitzetara bideratu, haiek erabil dezaten biltegia hustu arte. Eta behin hori gertatuta, biltegiaren balbula konpondu egingo dute. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak