Paco Garciak, Arrasateko idazkari orokorrak ekitaldi hori jaien egitarautik kentzeko eta "politizaziotik urrun" dauden Sanjuanak eskatu ditu. Garciaren iritziz, Udalak "lehenbailehen" egin beharko luke zerbait, ez delako "onargarria" herriko jaiak "ETAko presoak goraipatzeko" erabiltzea. Gaineratu du udaletatik "bakearen eta berradiskidetzearen alde" egin behar dela lan, eta "ez terroristak babestu eta haiek omentzen".
Eta, "jardunean diharduen bakarra"
Horrekin batera, Gartziak besteak beste salatu du ETA dela "Europan jardunean diharduen erakunde terrorista bakarra", badela hura "kondenatzeko ordua" eta "Bilduren Udal gobernuak beste behin erakutsi" duela "zeinen alde" dagoen. Zentzu horretan, "terrorismoaren biktima guztien duintasuna" aldarrikatu du sozialista arrasatearrak.