Uztailaren 12an jokatuko da Mondraren eta Realaren artekoa Mojategin eta ez uztailaren 5ean, hasieran aurreikusita zegoen moduan. Izan ere, Realak aldatu egin du aurre denboraldiko planifikazioa Txapeldunen Ligako egutegiak behartuta.
Hori horrela, argazki erakusketa eta Mondraren 100. urteurreneko ikus-entzunezko bereziaren aurkezpena ere astebete atzeratu dituzte. Uztailaren 9an eta 11n, martitzen eta eguen, izango dira aurkezpenok Kulturaten, 19:00etan.
Era berean, Arrasate Futbol Elkartetik gogora ekarri dute aste honetan direla sanjuanetako danborrada eta 80 urtetik gorako Mondrako jokalari izandakoei egingo zaien omenaldia.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.