Egun handiena eguaztenekoa izan zen: "Aurreko urteetan egoitzako egun berezian kanpora joaten ginen, baina hainbat elbarritu ditugu eta autobusera igotzen eta jaisten denbora asko egiten genuen. Ez genuen eguna aprobetxatzen. Aurten herrian bertan geratzea erabaki dugu eta, eguraldi onaren laguntzaz, oso gustura ibili ginen". Meza entzun, Kajoi tabernako terrazan tragoa eta mokadutxoa hartu, Kulturateko zezenketen gaineko erakusketa ikusi, Etxaluzen bazkaldu eta bi ordu inguruko dantzaldiaz gozatu; egun borobila izan zuten.
Ohiko bingoa, baina opariekin
Egubakoitzean bolo txapelketarekin eta bingo bereziarekin amaitu zuten egitaraua: "Egubakoitzero egiten dugu bingoa, egoiliarrei asko gustatzen zaie. Gaurkoa [egubakoitzekoa], gainera, opari bereziez osatutakoa da".