Atzo, domeka, iluntzean suhiltzaileak Arrasaten ibili ziren, Zarugalde kalean. Bertako etxe bateko teilatupean liztor beltzaren (asiatikoa) habi txiki bat (primarioa) zegoela-eta abisatu zieten suhiltzaileei. "Habi horri intsektizida botatzen zaio (zulo bakarra dauka) eta akabatu egiten dira; gero habia kendu eta erre egiten dugu. Hori egiten dugu bai habi handiekin zein txikiekin. Oraingoz habi txikiak daude, baina hemendik aurrera habi handiak hasiko dira, eta seguru aski piloa agertuko dira", jakinarazi dute Diputazioko Suhiltzaile zerbitzutik.
16:00etan jaso zuten suhiltzaileek Arrasateko habiaren berri: Beti ilintzean kendu behar dira habi horiek, liztor guztiak orduan joaten direlako habiara. Momentu ona da guztiak leku berean egoteko", jakinarazi dute suhiltzaileek.
Aurten ugaritu
Habi primarioa esaten zaio Arrasaten kendu duten horri. Laranja baten tamainakoa da, apur bat handiagoa akaso. Erreginak egiten du habia, eta arrautzak besterik ez ditu ipintzen. Horren ostean sortzen ditu liztor asiatikoak habi handiak, arriskutsuagoak direnak: "Hemendik hilabete edo bi hilabetera habi handiak egiten hasiko dira, halakoetan liztor piloa egoten da", abisatu dute suhiltzaile zerbitzutik. "Arrasaten iaz ere azaldu ziren, baina gutxi batzuk. Orain, berriz, litekeena da ugaritzea", gaineratu dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
