Bizkaiko Biraren 16. etapa egin zuen atzo, domeka, 26 laguneko taldeak, Besaide Mendi Elkartearen eskutik. 20 kilometroko ibilbidean gustura asko ibili ziren, oraingoan eguraldia lagun-min izan dute-eta: "Eguraldi oso ona eguzkitsua eta zoragarria ibiltzeko", partaideen esanetan. Datorren hitzordua iragarri dute dagoeneko: uztailean bi eguneko irteera egingo dute Sierra de la Demanda ingurura (Burgos).
Bikotx Gainen ibiltzen hasi eta mendian gora egin zuen Debagoieneko lagun taldeak Pagomakurreraino, eta handik Arrrabako aterpera jo zuten, hamarretakoa egitera. Indarrak berreskuratu ostean Egirinao aldera egin eta Ubiadean bukatu zuten ibilbidea, 14:00etan.
Sierra de la Demanda-Urbion
Hurrengo ireera uztailaren 13 eta 14an egingo dute. Sierra de la Demanda-Urbion inguruak aukeratu dituzte oraingo honetan. Interesa duenak uztailaren 1, 2 edo 3an eman behar du izena, Besaideko bulegoan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.