Naiara Agredak estreinatu du aulki berria, "oso pozik"

Maiatzeko azken aste bukaeran heldu zen Naiara Agredaren gurpildun aulki berria. Bi hilabete itxaron behar izan dute; izan ere xasisa Amerikako Estatu Batuetatik ekarri dute eta gainerakoa Alemaniatik. Itxaronaldia luzea izan da baina merezi izan du: "Itzela da aldaketa. Naiara oso pozik eta gustura dago aulki berriarekin. Askoz erosoagoa da", dio Almudena Viecok, Naiararen amak. Aulki berriarekin "lau edo bost urte" irautea espero dute eta beraz, amaitutzat jo dute tapoi bilketa kanpaina. Tapoi bilketaren ostean Donostiako familia batek dirua batzeko beste kanpaina bat hasi zuen Naiararen kasua komunikabideen bidez ezagutu ostean: "Eskerrik asko lagundu diguzuen guztioi", adierazi du Viecok.