Umeendako puzgarririk ez da egon, eguraldia dela-eta. Hala ere, pozik agertu da Cristina Etxenausia, antolatzaileetako bat: "Jendea badabil parte hartzen; eta egun honetako gure helburua pobreziaren inguruan kontzientzia zabaltzen laguntzea da, hori da gure misioa".
Arratsaldean ere Seber Altuben izango dira Elkartasun Eguneko postuak. Harreman, Mundukide, Bidezko Merkataritza denda, AMS, Serso, Kaleratzeak Stop! eta Nubi GKEak eta Arizmendi ikastolako neska laguntzaile batzuk dabiltza postuak aurrera eroaten. Aurten, Ibai-Arte merkataritza elkarteak opariak eman ditu Elkartasun Eguneko tonbolarako, eta Eroskik Asturiasko agroturismo baten egonaldia oparitu du. Gaur iluntzean jakingo da ze zenbaki izan den sariduna.
Gaur batzen duten diru guztia Indiako Ankurreko umezurztegiari laguntzeko izango da.