Amaia Albes arrasatearrak arrastoa utzi du Donostiako Gure Moda Gaur desfilean

Eguaztenean Gure Moda Gaur desfilearen bigarren edizioa egin zuten Donostiako Zorroaga elizan. Euskal Herriko 15 diseinatzaile gaztek hartu zuten parte –35 urtetik beherakoak guztiak–, bakoitzak bost modelo erakutsita. Horien artean, Amaia Albes arrasatearra: "Oso pozik nago. Ez nuen irabazi baina esan zidaten oso gertu egon nintzela lehen postutik. Lehiaketan egotea bera saria izan zen niretako, ezin dut gehiago eskatu". 'Once upon a time' izeneko bildumaren barruan bost diseinu erakutsi zituen Albesek.

Epaimahaiak emandako sariaz aparte, publikoaren saria oraindik ez dute jakinarazi. Albesen diseinuek arrastoa utzi zutela kontuan hartuta, ez litzateke harritzekoa izango publikoaren faboritoa izatea; tablet bat eta moda aldizkari ospetsu baten urtebeterako izen-ematea da saria. Ea hala den! 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.