Toki Argi erretiratu etxeko taberna ustiatzeko lehiaketan parte hartzeko epea bihar amaitzen da

Toki Argi erretiratu etxeko taberna ustiatzeko lehiaketa publikoan parte hartzeko epea bihar amaitzen da, ekainak 11. Interesatuek hamar eguneko epea izan dute eskaera BAZen egiteko. Lehiaketako irabazleak taberna-aretoaren zerbitzua ustiatzeaz gain, zerbitzurako diren instalazioak eta gauzak garbitu beharko ditu; atezaintza zein mahaietako zerbitzua emango dituzte, eta hango komunak  garbituko dituzte.

Kontzesioaren epea urtebetekoa izango da behin-betiko esleipenetik hasita, eta isilbidez beste batez luzatu ahal izango da, gehienez ere lau urte izan arte, beti ere aldeetako baten batek salatu ezean hori hiru hilabete lehenago.

Ordutegia eta prezioak

Gutxieneko ordutegia honakoa izango da: astelehenetik egubakoitzera 10:30etik 14:00etara eta 15:00etatik 21:30era. Zapatu, domeka eta jai egunetan berriz, honakoa izango da gutxieneko ordutegia: 11:00etatik 14:30era eta 16:00etatik 22:00etara. Prezioak Udalak zehaztuko ditu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.