Kutxazaina erre dute Arrasaten, Kutxabankena

Aragoa eta Munar kale inguruan dagoen Kutxabankeko sukurtsalari eraso egin diote bart gauean ezezagun batzuek. Kutxazaina erre egin dute, eta sukurtsalaren ate nagusira likido inflamablea bota eta su eman diote. Kutxazaina kiskalita dago, aldiz, ate nagusia zikindu besterik ez da egin, pertsiana itxita zegoelako. Pintada bat ere azaldu da: Kapitala erre.

Goizaldean izan da gertakaria. Lekukoen arabera, 02:30ak inguruan jaso zuen abisua Kutxabankeko sukurtsal horretako arduradunak eta 03:00etarako iritsi zenean dagoeneko sua itzalita zegoen, suhiltzaileen eskutik. Ertzaintza ere bertan zegoen. 

Segurtasun Sailak jakinarazitakoaren arabera, Kutxabankek 02:55ean pasa zuen abisua, esanez segurtasun kameren bitartez sua ikusi zutela. "Zorionez goiko pisuraino ez da iritsi, eta ezta barrura ere, segituan emendatu zutelako sua", adierazi dute.

Lau langile ditu Kutxabanken sukurtsal horrek. Gaur normal zabaldu ditu ateak, nahiz eta goizean garbiketa lanak egiten ibili diren. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.