Greba dela-eta ekainaren 6an bueltatuko da Kooltur, Fiachras-ekin

Jokin Bereziartua Lizarazu 2013ko mai. 27a, 14:42

"Kooltur Ekintza taldeko kideak ere langileak gara eta greba deialdiarekin bat egingo dugu. Hori bai, ikasturtea apur bat luzatuko dugu eta ekaineko lehen eguenean kontzertua egongo da, hirugarren ikasturteko azkena", Iker Barandiaran Kooltur Ekintza taldeko kidearen hitzak dira. Eguen honetan ere gaztetxea itxita egongo da, beraz.

Hurrengo eguenean, ekainaren 6an, itzuliko dira Kooltur Ostegunak, Debagoienean hainbat jarraitzaile dituen Fiachras taldearekin. Haritz Artola, Aitor Aldanondo eta konpainiak gaztetxea bete egingo dute seguruenik; gainera, Sumision City Blues taldearekin batera egindako single-arekin datoz, bi kantu berrirekin –Antes de marcharme eta 57 segundos–. Laugarren ikasturte bat egongo dela ziurtatu du Barandiaranek; eguen musikatuen errubera ez dadila geratu...

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak