Lehenengo finalerdia Ostantz eta Iriztuk jokatu dute. Markagailuari dagokionez nahiko parekatua izan da lehia; hala ere, Ostantz gehiago izan da: 4-3 irabazi dio Irizturi.
Bigarren finalerdian Dribling 5-1 nagusitu da Lasagabasterren aurka. Hasieratik jarri dira Dribling-eko mutilak markagailuan aurretik eta ez dute arazorik izan Lasagabaster mendean hartzeko. Atzoko emaitzak kontuan hartuta Ostantz eta Dribling-ek finala jokatuko dute, eta Iriztu eta Lasagabaster hirugarren eta laugarren postuak eskuratzeko lehiatuko dira.
Datorren zapatuan izango dira partiduak. Behin txapeldunak zeintzuk diren erabakitakoan sariak banatuko dituzte: lehenengo lau sailkatuei, bost jokalari onenei, atezain onenari, golegile onenari eta finaleko jokalari onenari.