Hitzarmenaren ondorio praktikoa izango da bi aldeen arteko ikerkuntza-programa koordinatuak abian jartzea, materialen eta horien eraldaketa-prozesuen arloan. Hala, enpresaren fabrikazio prozesuak eraginkorragoak izango dira, eskola politeknikoan egingo diren industria aurreko saioei esker. Helburu nagusia produkzio baliabideak optimizatzea eta horietan ezarritako aldaketen arriskuak gutxitzea izango da.
Aeronautikaren sektorea munduko BPG baino gehiago dabil hazten. Aurreikuspenen arabera aeronautikako azpiegituren eta materialen eskaria handia izango da datozen urteetan.
Instituzio mailan ikerketa eta garapenera bideratutako dirua asko murriztu den arren, Zamudioko enpresan inbertsioek gora egin dutela azaldu du Urizarrek. Eta, munduko beste herrialde batzuetan ere gero eta gehiago inbertitzen dela dio.
Mondragon Unibertsitateko Goi eskola politeknikoak eta Zamudioko ITP enpresak datozen bost urteetan elkarlanean jarduteko hitzarmena sinatu dute. Modu horretan, Eskola politeknikoa ITPren aliatu estrategikoa izango da. Bi aldeen arteko elkarlana, baina, aspalditik dator. Goi Eskola Politeknikoko zuzendari Vicente Atxa eta ITPko ingenieritza eta tekonologia zuzendari Iñaki Urizarrek sinatu dute hitzarmena.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak