Arrasateko gimnastak Aretxabaletan eta Durangon

Oraingo asteburuan Arrasate Dragoiko gimnastek bi hitzordu izango dituzte, Aretxabaletan eta Durangon. Batetik, Ibarrako kiroldegian egingo dute bihar (16:25ean hasita) Udaberri Torneoko bigarren fasea. Hala, alebin eta infantil mailetan Arrasatek ordezkaritza zabala izango du, gimnasta mordoa eramango ditu-eta klubak hara. Domekan, ostera, Aerobikeko Euskadiko Joko Eskolarren txapelketa egingo dute Durangon (Landako kiroldegian, 10:00etan), eta han ere alebin eta infantil mailetakoek jardungo dute, bakarka, bikoteka, eta baita hiruko taldeak osatuta ere.