Masterra lortu duten ikasleak 30 eta 48 urte bitartekoak dira. Industria mailako enpresetan eta zerbitzu enpresetan aritzen dira batik bat, eta ardura handiko postutan burutzen dute euren lana. Guztiek esperientzi profesinal zabala dute eta prestakuntza akademiko diferentea jaso dute Industria mailako Ingenieritzan, Enpresen administrazioan, Zuzenbidean, Psikologian edoeta Informatikan.
Laugarren aldia, martxan
Gipuzkoako Bazkundeak eta Mondragon Unibertsitateak elkarrekin antolatzen duten hirugarren master honen balorazioa baikorra izan da. Elkarrekin lan egiten jarraitzea da bi entitate hauen helburua, enpresetako profesionalen heziketaren bitartez Gipuzkoako enpresak indartzeko. Laugarren edizioa martxan da une honetan. Eta edizio hau ere ararrakastatsua izaten ari da.
Horrez gain, Gipuzkoako Bazkundeak eta Mondragon Unibertsitateak elkarrekin lan egiteko akordioa berritu dute eta urritik aurrera MBA Executivearen bosgarren edizioa jarriko dute martxan, enpresetako zuzendarien eta profesionalen artean oso ezaguna den graduondoa. Hilaren 29an, V. edizioaren inguruko informazio saio bat antolatuko da, eta datorren ikasturterako izena emateko epea irekiko da.