Biharko Beste Bat! Eguna egokitu egin behar izan dute eguraldiagatik

Aste bukaerarako iragarrita dagoen eguraldi txarra dela-eta, St Pauli taldearen aldeko Beste Bat! lagunarteak antolatzen duen ospakizun eguna egokitu egin behar izan dute. Biteri plazan aurreikusita zeuden ekitaldiak bertan behera geratu dira edo beste leku batera eramango dituzte: umeendako gunea eta herri bazkaria ez dira egingo. Era berean, Iñigo Albandoz magoaren saioa (16:00) eta Lekeitioko McOnak taldearen kontzertua (17:00) Iluntz tabernara pasako dute eta Soraluzeko ZZ Blues Band taldeak, berriz, DAT tabernan joko du. Antolatzaileek bi taberna horien laguntza eskertu gura izan dute. Gainerako ekintzak bere horretan mantenduko dira.

• Egitaraua