Gaur bertan Al-Andaluseko abesbatzaren saioa (19:30) eta argazki erakusketa baten irekiera izango dute (20:00). Bihar Andaluziako gozoak eta ardoak dastatuko dituzte, 19:00etan. Etzi pintxo-pote berezia egingo dute, Andaluziako jakiekin.
Ekintzez jositako asteburua
Egubakoitzean umeendako jokoak (18:30) egongo dira eta gero Blas Infanteren gaineko pelikula ikusteko aukera egongo da (20:00). Zapatukoa izango da egun handia: sevillanak eta parrillada (12:30), Al-Andaluseko koroaren saioa (13:30), gala-afaria (21:30) eta, eguna borobiltzeko, Roc-tulador umoristaren bakarrizketa eta dantzarako tartea. Domekan, amaitzeko, Alegria de la Sierra koroaren emanaldia egongo da, 13:30ean.