Iaz bezala, Herrira mugimenduak kartzelak husteko eskaera eramango du bihar Euskal Herriko plazetara. Debagoieneko gainontzeko herrietan bezala, Arrasaten ere egin dute hitzordua: 11:30ean herri krosa izango da eta 13:00etan Plazak Bete kontzentrazioa eta ekitaldia. Bi ekintzak Herriko Plazan izango dira.
Herrian egingo den krosak 11:30ean plazatik irten eta herriko kaleetan zehar lau kilometro luze izango ditu. Izen-ematea bertan egin beharko da, 10:30etik 11:15era.
Ekitaldi horiekin zera aldarrikatu gura du Herrira mugimenduak: "Gaixotasun larriak dituzten presoak etxeratzea; 197/2006 doktrina desaktibatzea eta dispertsioa eta isolamendua amaitzea".
Biharko ekitaldiko egitarauan hala igarri bazuten ere, azkenean ez da herri bazkaririk egingo. Antolatzaileek esan dutenez, zenbait "arazo teknikogatik", azkenean, plazan egin nahi zuten bazkaria bertan behera utzi behar izan dute.
Aurten ere, plazak beteaz eta kartzelak husteko asmoz, herriko erakunde eta eragile ugarik ekimenari atxikimendua agertu diote.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak