Azukrearen ekoizpenetik kontsumitzailearen etxera heltzen denera arteko prozesuan dauden aldeak azaldu ditu Fernandezek: "Nahiko orokorra da azukrearen gainean dagoen ezjakintasuna. Ez dakigu, adibidez, kontsumitzen dugun azukrearen %90a erremolatxatik datorrela; askoz kimikoagoa eta finduagoa da. Ez da jasangarria ekologikoki, ekonomikoki zein sozialki, azukrea egun ekoizten den modua. Gainera, azukrearen laborantzan oso ohikoak dira esplotazio kasuak, esklabotzaraino heldu arte".
Harreman Denda Bidezko Merkataritza elkartearen eskutik, Maria Fernandez Alternativa3 erakundeko kideak hitzaldia eskaini du gaur Kulturateko Jokin Zaitegi gelan. Ohiko merkataritza eta bidezko merkataritzaren arteko ezberdintasunen gainean egin du berba Fernandezek eta iaz kafea hartu bazuen oinarri, aurten azukrearen txanda izan da. Aurtengo kanpaina 'Zure bizitza gozoagoa egiteko ez da besteena mingostu behar' eta, besteak beste, zapatu honetako baserritarren azokan postua jarriko dute. Azken helburua, herritarrari modu arduratsuan kontsumitzera bultzatzea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak