Bosgarren urtez jarraian sinatu dute Ibai-Arte merkatarien elkartearen eta Arrasateko Udalaren arteko hitzarmena gaur goizean udaletxean. 2013. urterako hiri merkataritza suspertzeko akordioa sinatu dute Inazio Azkarragaurizar, Arrasateko alkateak eta Gabino Yarzak, Ibai-Arteko presidenteak. Biekin, Jesus Mari Elkoro, Ibai-Arteko zuzendaritzako kidea, eta Joxerra Askasibar, Enplegu eta garapen ekonomikorako zinegotzia egon dira.
Udaletxetik beste behin, herri merkataritzaren garrantzia azpimarratu dute. Akordioaren oinarria laguntza ekonomiko, tekniko zein logistikoa ematea da, horrela Ibai-Artek biltzen dituen komertzioen ekintzak babesteko. Aurtengo laguntza ekonomikoa 31.000 eurokoa izango da, aurreko urteko diru kopuru berdina.
Ibai-Arteko ordezkariak pozik agertu dira hitzarmenagatik, horrela ekintza urtero bezala ekintza hauek egiten jarraituko dutelako eta Udala erakusten dien konfiantzagatik. Besteak beste, 2013. urteko ekintza planeko eduki nagusiak, beherapenen azokak, hau da, Merkemerkaua; Merkataritza berdearen astea; Ibai arte txartela, eskaintzak eta fidelizazioa lortzeko edota dendari.com webgune berria, komertzioen erakusleiho digitala izango dira.