Egun eskasa Arrasateko pilotarientzat

Gipuzkoako Herri arteko txapelketaren baitako partiduak jokatu dituzte arratsaldean Uarkape pilotalekuan. Arrasateko pilotariek Oiartzunetik bertaratutakoak izan dituzte aurrez-aurre eta argi geratu da gaurkoa ez dela etxekoen eguna izan.

Kadeteak, gazteak eta seniorrak gogotsu irten dira kantxara, baina ezin izan dituzte bisitariak menpean hartu. Partidu zailei egin behar izan diete aurre, eta hori horrela, azkenean galdu egin dute hiru kategoriek: 22-13, 22-7 eta 22-13, hurrenez hurren.

Orain astebete daukate Arrasate Pilota taldeko mutilek indarberritzeko; asteburu honetan bertan Oiartzun aldera bidaiatuko baitute errebantxa bila.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.