Ford Mugarrik igoera faseko lehen partidua irabazi du

Ford Mugarrik kategoriaz igotzeko lehen pausoa eman zuen atzo, egubakoitza, Santoñan, Madrilgo Virgen Europaren kontra 29-26 irabazi ostean. Tentsio handiko partidua izan zen, ustez, faseko kontrario makalenaren kontrakoa, eta lehenengo minutuetan atzetik joan baziren ere, atsedenaldira markagailuan aurretik erretiratu ziren. Bigarren zatian Arrasatekoek ezin izan zuten aldea nahi beste handitu, eta ondo sufritutako minutuak izan ziren. Ford Mugarrik, baina, lehenengo puntuak batu zituen. Gaur, 16:30ean Pontevedra izango dute aurrean.

Zalantza barik, egubakoitzeko garaipeneko puntuak baliotsuak baziren ere, ezin ukatu lehenengo urduritasunak alboratzeko garaipen ezin garrantzitsuagoa izan zela. Bestalde, Santoñako zaleek giro ederra jarri zuten harmailetan, etxeko taldea Pontevedraren kontrako partiduan animatzeko. Domekan (12:30) giro hori izango dute Arrasatekoek kontran. Lehenago, baina, gaurko partidua jokatu behar.

Oraingoz, horrela dago igoera fasea:

1.- Santoña (2 puntu + 5).

2.- Ford Mugarri Arrasate (2 puntu + 3).

3.- Madrilgo Virgen Europa (0 puntu -3)

4.- Pontevedra (0 puntu -5). 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.