Hori behar den moduan ospatzeko jai handia maiatzaren 25ean egingo dute, baina aurreko eta ondorengo asteetan, txistu, gitarra, saxofoi, gaita, biolin, piano, tronboi eta bestelako instrumentuekin kontzertuak egingo dituzte.
Askotariko instrumentuak
Ziklo musikaleko lehen emanaldia, esan bezala, maiatzaren 4an egin zuten Herriko Plaza Nagusian. Hain justu ere, txistularien doinuak izan ziren protagonista. Bada, oraingo aste bukaeran, biolinak izango dira nagusi, Kulturaten, 18:30ean. Martitzenean, hilaren 14an, aldiz, gitarra astinduko dute Arrasate Musikaleko ikasleek. Emanaldi hori ere Kulturaten izango da, 18:00etan.
Hauek dira ziklo musikaleko maiatzeko emanaldiak: hilaren 17an saxo eta gaita emanaldia (Kulturaten, 18:30); hilaren 22an biolinena (parrokian, 20:00); hilaren 23an gitarrena (Kulturaten, 18:30); hilaren 28an tronpa eta tronpetena (musika eskolan, 18:30); hilaren 29an kantu kontzertua (parrokian, 20:00); eta hilaren 31n saxofoien emanaldia (musika eskolan, 18:00).
Ekainean ere beste hainbat emanaldi egingo dituzte. Horietan, biolontxeloa, klarinetea, pianoa eta tronboia izango dira nagusi. Gainera, ekainaren 14an Hezkuntza Berezikoek emanaldia egingo dute musika eskolan; eta ekainaren 21ean, kurtso bukaerako kontzertua Amaia antzokian.
Azken bi emanaldiak Monterronen egingo dituzte: Arrasate Musikaleko Bandak kontzertua egingo du hilaren 24an, San Juan egunez, 13:00etan; eta Big Band taldeak hilaren 28an, 22:30ean