Jaietako ekintzak joan den aste bukaeran hasi ziren baina gaurko, biharko eta etzirako gorde dituzte ekintza potoloenak. Aurtengo nobedadeen artean, gaueko rock kontzertuaren ordez gaztetxoendako DJ emanaldiak antolatu izana aipatu digu Apraizek: "Rock kontzertu bat kendu dugu, azken urteetan ez zen-eta jende asko egoten. Horren ordez DJ emanaldi bat antolatu dugu, gaztetxoak mugi daitezen".
Biharko herri bazkarian, 200 lagun
Bestalde, biharko herri bazkarian 200 bat lagun izatera helduko dira, "inoiz baino jende gehiago". Martitzenean btu zituzten zerrendak eta 185 lagunek emanda zuten izena dagoeneko. Urrezko Astakiloa nor izango den ez digu aurreratu, noski: "Jaietan bakarrik ez, auzoaren alde lan egiten duenari ematen zaio saria. Auzotarren artean oso sari estimatua da, ohore bat". Gainera, eguraldiak ondo helduko diola dirudi. Batez ere bihar eta etzi, "egunik handienetan".