Susana Santor Leintz Eskola Kiroleko koordinatzaileak eguna "primeran" irten zela esan digu: "Parte hartze eta eguraldi ezin hobea izan dugu. Eskola kiroleko begiraleen eta Ointxe elkarteko kideen lana eskertzekoa izan da, epaile eta hezitzaile moduan egin duten lana ederragatik".
Ointxe Saskibaloi elkarteak antolatuta, Leintz Eskola Kirolaren elkarlanarekin eta Kobate harrobiaren babesarekin, zapatuan gaztetxoendako 3x3 saskibaloi txapelketa jokatu zen Arrasateko Laubide plazan. Urtero moduan, saskiak Baskonia fundazioak jarri zituen eta antolatzaileek biziki eskertu gura izan diete lan hori hartu izana. Helburua, saskibaloia gazteen artean ezagutzera eman eta herrian kirol ekintza ireki bat antolatzea. Parte hartzeak urtez urte gora egiten du; 130 taldetan banatuta, aurten 650 bat gaztetxok egin dute bat deialdiarekin. Benjamin, alebin eta infantil mailetan –9 urtetik 14 urtera arte– hiru multzo banatu zituzten: nesken taldeak, mutilenak eta talde mistoak. Maila bakoitzeko lehen bi sailkatuek, gainera, saria eraman zuten etxera.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak