Ia 50 lagun elkartu ziren atzo Ttak Eguna giro ederrean ospatzeko. Iruñea ondotik 13 lagun etorri ziren eta parranda egin ostean Uarkape pilotalekuan geratu ziren lotara horietako batzuk. Iñaki Telleria AEDko kideak pozik zegoen aurtengo ospakizunarekin: "Bigarren urtea izan da eta arrasatearrek oso ondo erantzuteaz gain, Atarrabiako 13 gazteen etorrerak indar berezia ematen diote jaiari".
AEDko Ttak gazte taldeak antolatuta, Ttak Eguna ospatu zuten atzo Arrasateko eta Atarrabiako hainbat gaztek. Izan ere, Atarrabiako Karrikaluze euskara elkarteko gazte taldeak bat egin zuen Ttak taldearen ospakizunarekin, aurrez elkar ezagutzen zutelako. Helburua, bi taldeen arteko harremanak sendotzeaz gain, egun pasa eta parranda eder bat egitea, beti ere euskara ahoan dutela. Suziri jaurtiketa, olinpiadak, afaria –65 lagun elkartu ziren paella ederra jateko– eta DJ Elvis Cainoren emanaldia izan zituzten, besteak beste.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak