Irungo Artaleku kiroldegian izango da amateur mailako Gipuzkoako txapelketa. Goizez ariko dira kadeteak –A eta B mailak– eta seniorrak, 11:00etan hasita; eta arratsaldez, jubenilak –A eta B mailak–, 15:15etik aurrera.
Arrasateko Dragoi gimnasia taldeko hiru kide izango dira lehia horretan: Ane Fernandez eta Beñat Arizabaleta –kadete B maila, uztaia eta mazak–, eta Ainhoa Delgado –jubenil B maila, uztaia eta zinta–.
Espainiako txapelketa
Bihartik domekara –maiatzak 3, 4 eta 5–, bestalde, Aerobikeko Espainiako Txapelketa jokatuko da, Zaragozako Siglo XXI kiroldegian.
Aurrez ospatutako txapelketetatik sailkatutako Espainia osoko gimnastak elkartuko dira bertan, Arrasateko Dragoi gimnasia taldekoak tartean: Olatz Fernandez, Ione Goikolea, Leire Gonzalez, Leire Poyato eta Saioa Arriola, taldeka; Nerea Otxoa, Eider Altube eta Araitz Altube, bakarka; eta Eider Altube eta Olatz Fernandez, Mirentxu Amozarrain eta Maialen Gallardo, eta Maialen Diaz eta Ane Gorosabel, bikoteka.