Askapenaren formazio mintegia Arrasaten zapatu honetan eta hurrengoan

Goiatz Arana Begiristain 2013ko maiatzaren 2a

Askapenak II. Formazio Mintegia egingo du maiatzaren 4an eta 11n. 'Herri jantzia, garaipenaren hazia' lelopean, Etxaluzen antolatu dituzte jardunaldiak. Zapatu honetan, maiatzak 4, honako gaiak landuko dituzte, gaian adituak diren hizlariekin: inperialismoa (Manuel Navarrate), borroka feminista eta internazionalista (Bilgune Feminista), herri boterea (Iñaki Gil de San Vicente) eta mundu arabiarreko matxinadak eta inperioen kontraerasoa (Martxelo Diaz).

10:00etan izango da lehen saioa eta 18:00etan azkena; saio bakoitzak bi ordu inguru iraungo du. Izena emateko formaziomintegia@askapena.org helbidera idatzi behar da; bazkariaren prezioa, 12 euro.

Maiatzak 11

Bigarren zapaturako ondorengo egitaraua prestatu dute:

  • 10:00 Europa krisian (Santi Ramirez, politologoa).
  • 12:00 Abya Yala: ezker iraultzaileen egungo erronkak (Susana Gonzalez, Mugimendu Kontinental Bolivartarreko kidea).
  • Bazkaria.
  • 16:00 Euskal Inperialismoa (Luismi Uharte, UEUko irakaslea).
  • 18:00 Alternatiba sozioekonomikoak eraikitzen (Nekane Jurado, ekonomilaria).

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak