Munduko Kenpo txapelketan zilarrezko domina bi irabazi ditu Josu Letonak

Turkian jokatu duten munduko txapelketan zilarrezko domina bi eskuratu ditu arrasatearrak: semi-kenpo eta K1 kategorietan. Aurreko astean jokatu zen Munduko Kenpo Txapelketa Antalyan, Turkian. Estatuko txapelduna ere bada Letona (puntuka zein full-contact-en) eta munduko txapelketan parte hartzen duen lehen aldia izan da aurtengoa; full-kenpo, semi-kenpo eta K1 kategorietan jardunda. Domina, zilarrezkoa, azken bi horietan eskuratu du arrasatearrak.