Gaztelupeko ikasleek, besteak beste, Irakeko gerraren, despolitizazioaren eta hezkuntzaren gainean egingo dute berba. Gero, erresoluzio horien gainean debatea egingo dute, Batzar Orokorrean. Xabier Latorre Arizmendiko irakaslearen arabera, maiatzeko lehen astean jakingo da nork izango duen aukera hirugarren fasera pasa eta beraz, Europako kanporaketan parte hartzeko: "Oso pozik gaude".
1987an sortu zen European Youth Parliament (EPY) deritzona, europar gazteek Europako gaiak eztabaidatzeko sortutako egitasmoa. Arizmendi ikastolak 2012an hartu zuen parte lehen aldiz eta, iaz moduan, aurten ere Almen zein Gaztelupe guneko batxilergoko ikasleek hartu dute parte. Gaztelupeko ikasle taldea Euskal Autonomi Erkidego mailako lehiaketan lehen postuan sailkatu da Espainia mailako kanporaketarako; Bilboko Gugenheim museoan egingo da, hilaren 25etik 28ra. Estatuko 20 ikastetxek baino gehiagok hartuko dute parte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak