Mojategin jokatutako gazte mailako txapelketan 4,40 metroko pertika-jauzia egin zuen arrasatearrak. 4,52 metroekin ere ahalegindu zen, baina ez zuen lortu. Aipagarria da baita ere, txapelketa ofizialean ez lehiatu arren, Iñigo Uribarren arrasatearrak lortutako marka. Hiruko saltoan bere marka pertsonala ondu zuen zapatuan: 15,49ko saltoa egin zuen Realeko ordezkariak.
Gipuzkoako txapelketak izateaz gain, sarrera libreko hainbat proba ere jokatu zituzten. Hori horrela, giro polita egon zen Mojategin. Euren markak hobetu eta Espainiako txapelketarako txartela lortu gura zuten atletek, harrobikoekin, etorkizunekoekin partekatu zuten arratsaldea.
Eta etorkizuneko atleta horietan daude Arrasateko eta Aloña Mendiko ordezkariak. Urtean zehar egindako lana erakutsi ahal izan zuten, emaitzak oso bestelakoak izan arren.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.